Make We Pray For Imo State

-

Make we pray for Imo State.

Di kind of bad news wey we dey hear from there don too much. E no dey allow person sleep for night again. 

Like play like play, see where e don bad reach. E no good nau. 

Pipo lives dey at risk every minute of the day. Seriously, make our federal government put eye inside di matter abeg. Na human beings dey live there and if our government value pipo lives, make dem take action. I no want dis tok tok becos pipo don too suffer.

I dey also call on our public figures, politicians, celebrities and influencers to join hand quench dis fire. E no matter if you from Imo State or not, na one country we from. Dat small tin you help do go really push di matter go far. 

As a country, make we join hand pray together make dis nightmare end and never return. 

God bless Naija.

Comments

Post a Comment

Popular posts from this blog

Dem Wan Auction The Oldest Bottle Of Whiskey For This World

-
Image
According to Tekno , e don tey wey we dey shayo....since 1960 oyoyo....you already know the song. As e don carry be, the oldest bottle of bourbon whiskey fit be your own. Yes o. If you wan shayo di kind of shayo wey old like your ancestors and you get extra $20,000, na your opportunity be dis. Na for inside Georgia for US dem bin package this whiskey keep, and now, e don ready for auction. See eh, no whiskey old pass dis one, na so di pipo wey dey organize the auction take tok. Dem don set the auction for June 22-30 and dem dey expect pipo wey wan price am to ready to price between $20,000-$40,000. Na so di pipo wey dey arrange di auction take tok last week. According to di University of Georgia, dem say pipo bin don produce dis shayo between 1762 - 1802 , during the US Revolutionary war. Many pipo don keep dis drink since that time and now, e don ready to enter another person hand. If na me buy am, I go drink am finish, make e for no loss. Lol. E get any body for Na...
Read more

Lagos Govt No Gree Donate N25m To Oshodi Amputee Hawker Again Because Dem Dey Suspect Say She Dey Lie

-
Image
Mary Daniel Di matter don go viral o. No be small tin at all. E be like say sand-sand wan enter person garri o. Chai. Lagos Govt don withhold money wey dem wan donate to Mary Daniel, the Oshodi amputee wey e never they wey she become very popular on social media with pictures of her as she dey sell water for Oshodi. she turn instant celebrity!  When dem interview her, she say she be orphan. She also tok say she get baby and grandmother wey she dey take care of. She bin also tok of how she no fit meet up with school and how she come enter street begin hustle. Her story make pipo contribute money to her bank account. Di amount don reach N25m. Lagos state Govt bin come give her place to stay so dat bad guys no go spoil her shine. Lagos State governor even host birthday party for her wey dem shower her with plenty enjoyment.  Yawa gas when di state government find out say her papa still dey alive. Remember say she bin don already tok say she be orphan. Dem also find ou...
Read more

Koolobi

-
Image
If you Koolobi me, I go Koolobi you. No matter how tins dey for front, frog no go jump go back. Na only front e go jump enter. This blog different wella. If you no sharp, you go loss as you dey read. Dem dey call my write-ups "if you blink, you miss". Na wetin com be the meaning of Koolobi?(I don change topic). Koolobi na word wey mean plenty tins.  One way wey we dey use am, na to describe when persin collect something from another persin.  For example, persin fit say "oboy dat man koolobi my phone o".  The Koolobi we dey yarn for here na about  lifestyle, dat na anyhow wey you wan live ya life. From music to sports, Nollywood to education, fashion to market, politics to religion. Everything dey inside the matter.  Wetin we go dey do here na to ask you how e dey be for your area and wetin be your opinion about the matter dem wey we go dey touch-light(dat means matter we go dey discuss).  We go dey also give out small small gifts like cash, rech...
Read more